Blog Archives

Կարողացեք ներել – Մայր Թերեզա

Mother Teresa Speaks to the American Family Institute About Abortion

Նկարում՝ 70-ամյա Մայր Թերեզան                  3 հունվարի, 1981, Վաշինգտոն, ԱՄՆ         Image by © Bettmann/CORBIS

Ինչ-որ մեկը ձեզ նեղացրե՞լ է: Դա ձեզ իրավունք չի տալիս վրեժխնդիր լինել նրանից: Վրեժը չի վերականգնում արդարությունը: Շատերը կարծում են, թե հանուն արդարության կարող են դաս տալ որոշ մարդկանց կամ էլ պատժել ուրիշների: Ոչ, արդարության նման հասկացողությունը բազում դժբախտությունների աղբյուր է: Դիմեք այն սկզբունքին, որն ավելի բարձր է արդարադատությունից – սիրո և բարության սկզբունքին:

Երկու հազար տարի առաջ Հիսուս Քրիստոս տվեց աշխարհին այդ նոր Ուսմունքը, բայց քրիստոնյաները մինչև այժմ պահում են Մովսեսի օրենքը՝ ակն ընդ ական, ատամն ընդ ատաման: Պետք չէ մոլեռանդորեն հետևել արդարության այդ օրենքին, վրեժ տենչալ, եթե դուք ուզում եք իսկապես ազատ լինել: Վրեժը իր մեջ որևէ լուծում չի պարունակում, այն միայն բարդացնում է իրավիճակը:

Դուք որևէ մեկի համար ինչ-որ բարիք եք արել, օգնել եք նրան, քաջալերել, բայց մի օր հայտնաբերում եք, որ նա արժանի չի եղել դրան: Համակերպվե՛ք նման իրավիճակի հետ, մի՛ փնտրեք միջոց՝ վրեժխնդիր լինելու նրանից, պատժելու նրան: Մեծահոգություն ցուցաբերեք և բարություն. ա՛չք փակեք նրա անազնիվ արարքի վրա, ներեք նրան և հանե՛ք հիշողությունից այդ էպիզոդը: Միայն նման կերպ վարվելով ենք մենք հոգևորապես աճում:

Դուք կարող եք ասել. «Ես ներում եմ քեզ, բայց երբեք դա չեմ մոռանա»: Բայց դա ներում չէ: Եթե դու ներում ես, ուրեմն վերականգնում ես հարաբերություններդ այդ մարդու հետ այնպես, կարծես նա երբեք էլ մեղք չի գործել քո հանդեպ: Ներել նշանակում է ջնջել ամենայն վատը, կարծես այն տեղի էլ չի ունեցել:

Այսպես է վարվում Աստված, երբ Նա ներում է: Նա այսօր էլ ձեզ հետ վարվում է այնպես, կարծես դուք երբեք որևէ վատ արարք չեք գործել:

Կարդացե՛ք նաև Կարեկցանքի մասին – Մայր Թերեզա

Մայր Թերեզա. 7 միտք գլխավորի մասին

mother-teresa-32

1. Մեծագույն ուրախությունն այն է, որ նվիրես քեզ ուրիշ մարդկանց:

2. Կյանքում շատ չարիք կա, կան անտուններ ու հիվանդներ, բայց ամենածանրը նրանց համար է, ովքեր զրկված են սիրո ուրախությունից:

3. Սիրի՛ր. ինչքան շատ կիսես ուրիշների հետ, այնքան շատ կունենաս:

4. Մեզ պետք չեն զենքեր ու ռումբեր: Չարին հաղթելու համար մեզ անհրաժեշտ է սեր ու կարեկցանք: Սիրո բոլոր գործերը աշխարհի բարօրության համար արված գործեր են:

5. Ես հաստատ գիտեմ միայն մի բան՝ եթե մարդիկ ավելի շատ սիրեին միմյանց, մեր կյանքը զգալիորեն ավելի լավը կդառնար:

6. Սիրեք, եթե դա վնաս չի պատճառում:

7. Ամենակարևոր դեղամիջոցը քնքուշ սերը և հոգատարությունն է:

Русский текст – тут

Տե՛ս նաև Մայր Թերեզա. ՍԻՐՈ ՄԱՍԻՆ

ԿՅԱՆՔԻ ԻՄԱՍՏԻ ՄԱՍԻՆ – Մայր Թերեզա

mother-teresa ԿՅԱՆՔԻ ԻՄԱՍՏԻ ՄԱՍԻՆ – Մայր ԹերեզաՄարդն անպայման փորձում է իմաստ գտնել իրեն շրջապատող ամեն ինչի մեջ: Շատերին թվում է, որ իրենց կյանքն անցնում է աննպատակ կամ որ իրենք բաց են թողնում իրական կյանքը: Աշխատելու, վաստակելու, ուտելու ու նորից աշխատելու մեջ իմաստ չկա: Երիտասարդը տանջվում է հետևյալ հարցից. «Մի՞թե սա վերջն է»: Ամենածերերը գալիս են այն եզրակացության, որ առօրյա կյանքի հորձանուտում իրենք չեն հասցրել հասկանալ ու զգալ կյանքում ամենագլխավորը:

Հասնել երջանկության՝ կախված լինելով սեփական բնազդներից ու հակվածություններից, առանց որևէ ինքնասահմանափակմա, հնարավոր չէ: Աղետալի սխալ է թույլ տալիս նա, ով երջանկություն է համարում հաճույքները կամ ինչ-ինչ նյութական բարիքների տիրապետելը: Երջանկության այդպիսի ընկալումը հանգեցնում է հուսահատ ու թախծոտ տրամադրության:

Մարդկային ճամփաները շատ են տարբերվում իրարից: Մարդիկ տարբեր նպատակներ ունեն: Բայց ի վերջո վերջնական նպատակը, որին ձգտում են բոլորն առանց բացառության, բոլոր մարդկանց մոտ մինևնույնն է: Բոլորը փնտրում են անձնական երջանկություն և իրական սեր:

mother-teresa-26Եթե դուք փորձեք թափանցել ձեր նվիրական ցանկությունների և ձեզ շրջապատող մարդկանց ցանկությունների մեջ, դուք կբացահայտեք հենց այն ձգտումը, որ ընդհանուր է բոլորի համար. ընդհանուր հույսը՝ հույսն առ երջանկություն: Կյանքի յուրաքանչյուր անհաջողությունից հետո հույսն առ երջանկությունը վերածնվում է հիասթափության մոխրի միջից:

Մեր սիրտը ձգտում է երջանկության և իրական սիրո: Քրիստոնյային հայտնի է, որ այդ ձգտման իրական բավարարումը կարելի է գտնել միայն Աստծո մեջ: Մարդը ստեղծվել է Նրա պատկերով և նմանությամբ, ուստիև և՛ տղամարդու, և՛ կնոջ սիրտը կարող է սփոփել միայն Աստված. «Դու արարեցիր մեզ Քեզ համար, և մեր սրտերը չեն գտնի հանգիստ մինչև չհանգստանան Քո մեջ» (Սուրբ Օգոստինոս, Խոստովանություն, 1,1):

Մենք բոլորս ձգտում ենք դեպի Երկինք՝ դեպի Աստված: Բայց մեր հնարավորությունների սահմանում է գտնել Երկինքը և Աստծուն, լինել երջանիկ հիմա: Լինել երջանիկ Աստծո հետ հիմա՝ նշանակում է սիրել՝ ինչպես Նա է սիրում, օգնել՝ ինչպես Նա է օգնում, տալ՝ ինչպես Նա է տալիս, ծառայել՝ ինչպես Նա է ծառայում, փրկել՝ ինչպես Նա է փրկում:

Mother TeresaԿարելի է շատ թանկարժեք ու լավ իրեր ձեռք բերել, բայց դա երջանկություն չի բերում: Կարևոր չէ այն, թե մարդն ինչ ունի, այլ այն, թե ինչ է նա իրենից ներկայացնում: Սեփական բարեկեցության փնտրտուքի մեջ մարդը մոռանում է, որ իր կողքին մարդիկ են, ովքեր հիվանդ են, միայնակ կամ ուղղակի սոված: Մարդը առարկաների ստրուկ է դառնում և մոռանում, թե ինչ է նշանակում սիրել մարդկանց ու Աստծուն: Որքան անօգուտ ջանքեր, հիասթափություններ են լինում այն պատճառով, որ մարդիկ կյանքի ամբողջհույսը և հիմնական իմաստը տեսնում են Աստծուց դուրս:

Աստված սիրում է մեզ: Նրա սերը այնքան նուրբ է, այնքան մեծ ու այնքան իրական: Հիսուս եկավ միայն նրա համար, որ սովորեցնի մեզ սիրել: Նա կյանքի հաց դարձավ, որպեսզի հագեցնի Իր սիրո հանդեպ ունեցած մեր սովը: Ապա, կարծես դա Իր համար բավական չէր, Նա դարձավ սովյալ, անհագուստ, անտուն, որպեսզի դուք և ես կարողանանք հագեցնել մարդկային սիրո հանդեպ Նրա ծարավը:

Մենք ստեղծվել ենք ոչ թե դիպլոմներ ու գիտական աստիճաններ ստանալու համար, ոչ թե աշխատելու, փող ստանալու, ծախսելու և կրկին աշխատելու համար: Մենք ստեղծվել ենք, որպեսզի սիրենք ու սիրված լինենք:

Եթե դուք շատ զբաղված եք ինքներդ ձեզնով և ձեր գործերով, դուք չեք կարողանա իրականացնել ձեր առաքելությունը: Եկեք Հիսուսի մոտ, և դուք ձեռք կբերեք հանգիստ և ուրախություն: Ինձ համար երջանկությունը օրվա մեջ 24 ժամ Աստծո հետ լինելն է, սիրելը՝ ինչպես Նա է սիրում, օգնելը՝ ինչպես Նա է օգնում, տալը՝ ինչպես Նա է տալիս, ծառայելը՝ ինչպես Նա է ծառայում:

Տե՛ս նաև Մայր Թերեզա. ՍԻՐՈ ՄԱՍԻՆ

%d bloggers like this: