ՎԱՐԱԳԱՅ ԽԱՉ – Ծիսական բառարան

Վարագայ ԽաչԽաչի հրաշալի երեւումներէն Յունաց Եկեղեցին ունի Երուսաղէմի երեւումը 351-ին, իսկ Հայոց Եկեղեցին Վարագայ երեւումը 653-ին: Մենք ալ կը կատարենք Երեւման Խաչին տօնը, եւ բացատրեցինք. իսկ Վարագայ երեւումը տեղի ունեցաւ Ներսէս Գ. Շինող Կաթողիկոսի օրով, որ այդ երեւման տօնն ալ հաստատեց: Ս. Հռիփսիմէ իրեն հետ ունեցած է բուն Խաչափայտէն մաս մը՝ զոր ի վերջոյ պահած է Վարագէն վեր գտնուող Գալիլիա կոչուած ժայռին մէջ, եւ այդ Խաչափայտի մասը լուսաւոր տաճարի տեսիլքով յայտնուած է Թոդիկ ճգնաւորին, եւ տեղէն ելլելով՝ եկած հանգչած է Վարագայ վանքին եկեղեցին, ու առաջ Թոդիկ եւ Յովէլ ճգնաւորները եւ յետոյ բոլոր շրջակայ գիւղերէն եւ Վան քաղաքէն եկող ուխտաւորները տեսած ու պաշտած են: Խաչափայտին գիւտը 327-ին տեղի ունեցաւ, իսկ Ս. Հռիփսիմէի մարտիրոսութիւնը 301-ին կատարուած ըլլալով՝ Խաչի գիւտէն առաջ Խաչափայտի մասունքին գոյութիւնը կրնայ մեկնուիլ կրկին աւանդութիւններով: Որովհետեւ թէ՛ Տեառնեղբայր Յակոբոս առաքեալին համար կ’ըսուի թէ կրցած է մաս մը ձեռք ձգել Վերացման ատեն, եւ թէ՛ Պատրոնիկէ դշխոյի համար կը պատմուի թէ Կղոդիոս կայսեր օրով (41-54) Խաչափայտի մասնաւոր գիւտ մը ընել յաջողած է: Վարագայ վանքին մէջ հանգչող Խաչափայտը աւելի սովորական կերոպով կոչուած է Ս. Նշան, եւ Ս. Նշանի մասունը մինչեւ 1021 մնացած է Վարագ, եւ նոյն տարին փոխադրուած է Սեբաստիա, 1026-ին դարձեալ Վարագ բերուած է, 1651-ին Խոշաբ տարուած. իսկ 1655-ին Վանայ Ս. Տիրամայր Մայր Եկեղեցին դրուած՝ որ այնուհետեւ կոչուեցաւ Ս. Նշան: Հոն ցարդ կը մնայ Վարագայ Խաչը: Տօնը կը կատարուի Վերացման Խաչէն 15 օր ետքը, այսինքն Սեպտեմբեր 25-էն մինչեւ Հոկտեմբեր 1 հանիպող Կիրակին:

Աղբյուրը՝ Մաղաքիա արքեպ. Օրմանեան, Ծիսական բառարան

Կարդացե՛ք նաև ՏԱՂԱՒԱՐ [ՏՕՆ] – Ծիսական բառարան

Posted on September 26, 2015, in Մաղաքիա արքեպիսկոպոս Օրմանյան and tagged , , , , , , , , , , , , . Bookmark the permalink. 3 Comments.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: